Sustrai Colina Acordarementeria

Sustrai eta Fredi anaiak dira. Beilatokian egiten dute lan. Gaur euren amona hil da, eta haren gorpua prestatzen ari dira.

Unai eta Sustrai gurasoak dira eta haurrak ikasgela berean dituzte. Lehengo astean, Sustrai larri zebilela eta, bere haurra hartzeko eskatu zion Unairi. Ordutik Sustrai berandu etortzen da beti haurraren bila.

Cabacasen hilketa / argitzeke dago
Gomazko pilota bat / botatzen denean
Agintaria ez da / inoiz erruduna

Xabier eta Sustrai bikotea dira. Xabierri Sustraik proposatu dio orain arte zuten ohe handia kendu, eta haren lekuan bi ohe txiki jartzea.

Prest duzu dena, gonbidatuak falta dira.

Emazteen kontrako indarkeria salatzeko elkarretaratzean bildu dira Sustrai eta Jone. Bertan, nehoiz baino gazte gehiago ikusten dute.

Lagunak dira Sustrai eta Aitor. Bikotekideak utzi duela eta, Sustraik besta egitera atararazi du Aitor. Goizeko bostak dira, eta, mozkor-mozkor eginda, Aitorrek bere bikotekide ohiaren balkoipera eraman du Sustrai.

Agin 70 urte dituen medikua da, eta herrixka anitzetan egiten du lan. Orain arte ez du nehork ordezkatu nahi izan. Gaur etorri da, Sustrai, ordezko mediku gaztea.

Unai eta Sustrai, elgarrekin bizitzen hasi berri dira. Biak ordenarekin muturreraino itsutuak daude.

Nehork ez zuen espero baina lortu egin duzu.

Azken urteotan alkoholiko anonimoetan ibili dira elkarrekin Sustrai eta Amets. Gaur, taberna batera sartu dira kafe bana hartzera.

Autoak konpontzeko tailer bateko nagusia da Aitor, eta langilea Sustrai. Gaur, Aitorrek Sustrai ikusi du bere autoa beste tailer batera eramaten.

Errugbi euskalduna / gero ta gorago! Baiona ta Biarritz / ezin ezkonduta Reala ta Athletic / batuko balira

8 urteko haurrekin lan egiten duten bi irakasle dira Maialen eta Sustrai. Maialenek heriotzaren gaia lantzea proposatu dio Sustrairi, eta konturatu da Sustraik gaia saihestu nahi duela.

Egoerak beste aldean jarri zaitu

Kalean, bata bestearen parean, eskean daude Sustrai eta Beñat. Sustraik burua goian duela ozen eskatzen du. Beñatek karteltxo baten atzean ezkutatzen du burua.

Bata besteari lepotik heldu, eta sakelako telefonoarekin elkarrekin argazki bat ateratzen hasi dira Sustrai eta Unai. 10 minutuan ez dute itxurazko argazkirik lortu.

Zu, Sustrai, ama bisitatzera joan zara zahar-etxera. Panpina bat du eskuan, eta hurbiltzean, hala esan dizu: xsxsxs, Sustrai lo dago.