Julio Soto Ezkurdia

Julio eta Iñaki autoan doaz biak nahikoa edanak. Bien aitzineko autoak istripu bat izan berri du.

Felixek etxeko gela bat alokairuan jarri zuen, eta Juliok hartu zuen duela hilabete. Arratsaldero bezala, orain ere hasi da Julio tronpeta jotzen.

Elizak omen daude / gero ta hutsago
Aita santu berria / ta eliza zaharra
Azkenekoz noiz joan / zinen elizara?

Aita semeak dira. Julio semea eta Iñaki aita. Iñaki aspaldi alargundu zen, eta Juliok uste du bikote-laguna bilatu beharko lukeela.

Lor zenezakeen guztia lortu duzu, baina jendeak ez dizu begirune handirik.

Julio eta Jokinen alabak etxea erosi zuenean, berme-emaile izatea onartu zuten. Orain, hark ezin du etxearen hipoteka ordaindu, eta bankuaren jakinarazpena jaso dute gurasoek zorraren erantzule direla esanez.

Elkarrekin bizi dira Nerea eta Julio. Julio astelehenero joan ohi da merkatura barazki eta fruituak erostera. Larunbata iritsi da, eta, astero bezala, usteldu egin dira denak.

Fagorrenak hartu du / itxura eskasa
Ia herri osoa / dago kekatuta
Aterabideren bat / aurkitu beharko

Amets eta Julio biak doaz lanera egunero, beraien haur txikia zaintzailearekin utzita. Juliok proposatu du bietako batek lana, aldi baterako uztea, haurrarekin gelditzeko.

Julio, denbora daramazu zure eskuei begira.

Julio eta Beñat ixtera doan enpresa txiki bereko langileak dira. Gaur ere, telebistan ikusi dituzte erakunde publikoetako ordezkariak, enpresa handiei laguntzeko dirua emateko prest daudela erraten.

Juliok eta Ametsek 40 urtekoen afaria dute gaur. Ametsek afari osoa darama haurrak goiti eta haurrak behiti, eta Julio asper-asper eginda dago.

Gurasoak dira Mantxi eta Julio. Hauen alabak plazaz plaza mutil-dantzak dantzatzeko asmoa agertu die. Mantxirii arras ongi iruditzen zaio; Julio beldur da jaso dezakeen tratuarengatik.

Unaik eta Juliok kiroldegiko dutxan topo egin dute. Gorputz eta buru xaboiz betea dutela, ura kendu dute.

Zure buruari hitza eman zenion azkenekio aldia izango zela. Berriro gertatu da.