Jon Martin Etxebeste

Nerea eta Jon bi langile dira. Enpresako egoera ez da hoberena, eta nagusiak bi aukera eman dizkie. Denoi soldata jaistea edo langile batzuk kaleratzea.

Jon eta Alaia bien alabaren futbol-partida ikustera etorri dira. Jon lotsatuta dago Alaia oihuka ari baita partida hasi denetik.

Autoa hartzen dugu / edozertarako
Errepide guztiak / dauzkagu gainezka
Gero ekologista / agertu ohi gara

Fredik eta Jonek bikote hasi berria osatzen dute. Fredi konturatu da jende aurrean Joni musu ematen dionean atzera egiten duela Jonek.

Lekuko izan zara nahi gabe. Ez dakizu zer egin.

Gerrako kazetariak dira Jon eta Amets. Bi urtez bahiturik egon ondoren, askatu egin dituzte. Gaur datoz hegazkinez etxera.

Aitaita-bilobak dira Jokin eta Jon. Jokinek ganbaran dituen disko zaharrak zaborretara botatzeko biltzen ari dela, Jon biloba etorri zaio berarentzat nahi dituela esanez.

Zenbat kolorez janzten / zaigu udazkena
Orbela airez aire / batetik bestera
Gaztainak biltzeko da / aukera itzela

Jon, eskolako saskibaloi taldeko entrenatazailea da. Gaur Nerea eskolako zuzendariak esan dio lehiakortasuna gehiegi sustatzen duela.

Jon, denbora daramazu zure eskuei begira.

Bi moja edo serora dira Jon eta Igor. Duela 50 urte emagin aritzen ziren. Haur lapurtuen kontua entzuten duten bakoitzean zer pentsatua ematen die.

Jon Aitor aspaldiko lagunarekin geratu da bazkaltzeko. Ordu erdi baino ez daramate elkarrekin, eta dagoeneko bost aldiz jo dio telefonoak Aitorri, eta oraingoan ere hartu egin du deia.

Bikotea dira Fredi eta Jon. Jonen ama hil da, eta Frediri esan dio aita alarguna bien etxera ekarri nahi lukeela bizitzera.

Etxahun eta Jon Donostiara bidean zetozela autoaren gurpil bat zulatu zaie. Bietako inork ez daki gurpila aldatzen.

Nekatuta zaude, baina badakizu ezin zarela gelditu.