Jokin Uranga Isuskitza

Jokin eta Ainhoa herri-harresian daude elkarri besotik helduta. Gaua iritsi da, eta poliziaren sirena-hotsak gero eta ozenago entzuten dituzte.

Beñatek eta Jokinek autoa txandaka eramaten dute lanera. Beñatek gidatzen duen guztietan, Jokin lokartu egiten da. Gaur ere, begiak ixten ari zaizkio.

Ezin gara gaixotu / dirurik ezean
Botika hartu baino / hobe da zaintzea
Berriz hasi beharko / senda-belarrekin

Igor eta Jokin emakumeak dira. Ama izan nahian, tratamenduan hasi ziren aspaldi. Gaur Jokinek esan dio Igorri haurdun dagoela. Igorrek oraindik ez du lortu.

Pozik zaude horrenbeste jende zoriontsu egitea lortu duzulako.

Julio eta Jokinen alabak etxea erosi zuenean, berme-emaile izatea onartu zuten. Orain, hark ezin du etxearen hipoteka ordaindu, eta bankuaren jakinarazpena jaso dute gurasoek zorraren erantzule direla esanez.

Aitaita-bilobak dira Jokin eta Jon. Jokinek ganbaran dituen disko zaharrak zaborretara botatzeko biltzen ari dela, Jon biloba etorri zaio berarentzat nahi dituela esanez.

Urdaibaik jasotzen du / bisita ugari
Surfak Mundaka jarri / du munduko mapan
Ohol gainean zutik / jarriko bazina

Duela hiru urte banandu ziren Jone eta Jokin. Azkenaldian asko egoten dira elkarrekin. Jokinek Joneri proposatu dio berriz elkarrekin bizitzeko saiakera egitea.

Jokin, denbora daramazu zure eskuei begira.

Mantxi eta Jokin bikotea dira, eta harreran izan dute haur bat lau urtez. Gaur, familia biologikoarengana itzuliko da haurra.

Uso-postu berean dauden ehiztariak dira Unai eta Jokin. Jokinek 20 tiro egin ditu dagoeneko. Unaik bakar bat ere ez.

Ziega berean dauden bi preso sozial dira Jokin eta Amets. Jokinek ez du bisitarik jaso kartzelan denetik. Ametsek berriz astero jasotzen du bisitaren bat. Gaur ere badator bisitatik bueltan.

Jokin eta Beñat dantzaleku bateko pistan dantzan ari direla, jende guztia beren inguruan bildu da.

Zure buruari hitza eman zenion azkenekio aldia izango zela. Berriro gertatu da.