Albisteak
Finalaurrekoetarako sarrerak salgai, www.bertsosarrerak.eu atarian
2013/10/14Gaur jarri dira salgai Bertsolari Txapelketa Nagusiko finalaurrekoetarako sarrerak. Osotara, zazpi finalaurreko jokatuko dira, bi itzulitan banatuta. Ohi bezala, www.bertsosarrerak.eu atarian eros daitezke sarrerak. Gogoan izan behar da saio guztietarako aforoa mugatuta dela.
Beñat Gaztelumendik irabazi du Altsasuko kaporaketa eta Murgiarako sailkatu da
2013/10/13Beñat Gaztelumendi nagusitu da Altsasun jokatu den Bertsolari Txapelketa Nagusiko laugarren kanporaketan. Haren atzetik Jexux Mari Irazu, Xabier Silveira, Unai Agirre, Erika Lagoma eta Oihane Perea sailkatu dira.
Hendaiako kanporaketa irabazita, finalaurrekoetan da Julio Soto
2013/10/12Julio Soto nagusitu da Hendaian jokatu den Bertsolari Txapelketa Nagusiko hirugarren kanporaketan. Haren atzetik, Amaia Agirre, Iñaki Zelaia, Felix Zubia, Iñaki Apalategi eta Iban Urdangarin sailkatu dira. Orain arte izan den saiorik jendetsuenean, 1.070 bertsozalek bete dute Beltzenia ezker pareta. Altsasun jokatuko da bihar Txapelketa Nagusiko laugarren kanporaketa, saiorako sarrera guztiak salduta direla.
"Gaur egun gazteentzat bertsolaritza Iparraldearekin eta Hegoaldearekin proiekzioa duen zerbait da"
2013/10/11Hendaiarrak dira Maddalen Arzallus eta Miren Artetxe bertsolariak. Oraingoan ez dute Txapelketa Nagusian parte hartzen, baina Hendaiako kanporaketako bezperan, Hendaian eta Ipar Euskal Herrian bertsolaritzak bizi duen egoeraz gogoeta egin dute. Mugaren kontzeptuaz eta bertsolaritzan gaur egun emakumeek duten rola ere mintzo dira elkarrizketa mamitsu honetan.
Kanporaketa begirako girotze saioa antolatu dute Oionen
2013/10/11Oionen jokatuko urriaren 26an den Bertsolari Txapelketa Nagusiko kanporaketa baino lehen, girotze saioa antolatu dute gaurko. Xebastian Lizaso eta Arrate Illaro bertsolariekhartuko dute parte, bertako Txandrio bertso eskolako kideekin batera.
Altsasun jokatuko da igandean Txapelketa Nagusiko laugarren saioa
2013/10/10Asteburu betea dator Bertsolari Txapelketa Nagusian. Hendaiako larunbateko kanporaketaren ostean, igandean hurrengoa jokatuko da, Altsasun. Saioa herriko Burunda pilotalekuan izango da, 17:30ean hasita. Sarrera guztiak salduta daude, hortaz ez da lehiatila irekiko.
Altsasuko saiorako sarrera guztiak amaitu dira
2013/10/10Igandean Altsasun jokatzekoa den Txapelketa Nagusiko laugarren kanporaketarako sarrera guztiak saldu dira jada, hortaz ez da saio horretarako sarrerarik gelditzen. 825eko aforoa beteta, igandean ez da lehiatila zabalduko. Larunbatean Hendaian jokatuko den kanporaketarako oraindik sarrerak salgai daude, www.bertsosarrerak.eu web gunean eta Beltzenia ezker paretako tabernan.
Hendaian jokatuko da Txapelketa Nagusiko hirugarren kanporaketa
2013/10/09Beltzenia ezker paretan jokatuko da saioa 17:30ean hasita. Hendaian irabazten duen bertsolaria Gernika-Lumoko finalaurrekora sailkatuko da zuzenean. Sarrerak www.bertsosarrerak.eu web gunean daude salgai, baita Hendaiako Beltzenia pilotalekuko Bakarxoko Ostatuan ere.
Agin Laburuk eskuratu du finalaurrekoetarako txartela, Markina-Xemeinen irabazita
2013/10/05Agin Laburuk irabazi du Markina-Xemeinen jokatu den Bertsolari Txapelketa Nagusiko bigarren kanporaketan. Haren atzetik, hurrenez hurren Jone Uria, Onintza Enbeita, Eneko Abasolo "Abarkas", Eneko Fernandez eta Beñat Ugartetxea sailkatu dira. 880 bertsozale elkartu dira herriko pilotalekuan. Hurrengo saioa larunbatean jokatuko da Hendaiako Beltzenia ezker paretan.
Eneko Abasolo "Abarkas"-ek Arkaitz Estiballes ordezkatuko du Txapelketa Nagusian
2013/10/04Abasolok Markina-Xemeingo saioan bertan kantatuko du, Agin Laburu, Beñat Ugartetxea, Eneko Fernandez, Jone Uria eta Onintza Enbeitarekin batera. Saioa 17:30ean hasiko da herriko udal pilotalekuan eta ateak ordubete lehenago zabalduko dira.
Adituen azterketak eta kulturarteko ordezkaritza, Mintzolaren eskutik
2013/10/03Mintzola Fundazioaren ekimenez, hurrengo asteotan hainbat esparrutako 14 adituk Bertsolari Txapelketaren gaineko azterketak argitara emango dituzte Txapelketa Nagusiaren webgunean eta Bertsolaritzaren Liburutegi Digitalan. Horrez gainera, Txapelketako finalerako kulturarteko terraza zientifikoa prestatzen ari da Mintzola BECeko finalerako.
Euskal Herriko Bertso Eskolen Egunak egun osoko festa bihurtuko du Markina-Xemeingo saioa
2013/10/01Bertsolari Txapelketa Nagusiko bigarren kanporaketa Markina-Xemeinen egingo da. Saio hutsa baino zerbait gehiago, egun osoko festa izango da, egun horretan ere Euskal Herriko Bertso Eskolen Eguneko hirugarren edizioa ospatuko baita Markina-Xemeinen.
Jon Martinek irabazi du Amasa-Villabonako kanporaketa eta finalaurrekoetara sailkatu
2013/09/29Jon Martin nagusitu da Amasa-Villabonan jokatu den Bertsolari Txapelketa Nagusiko lehenengo kanporaketan. Haren atzetik, Alaia Martin, Nerea Elustondo, Odei Barroso, Fredi Paia eta Iker Zubeldia sailkatu dira. Markina-Xemeinen jokatuko da larunbatean Txapelketa Nagusiko bigarren kanporaketa.
Amasa-Villabonako kanporaketako sarrera guztiak bukatu dira
2013/09/27Olaederra kiroldegian jokatuko da azkenean Txapelketa Nagusiko lehen kanporaketa. Aforoa handiagoa izanagatik ere, saiorako salgai sarrera guztiak saldu eginda dira, hortaz igandean ez da takila zabalduko. Kiroldegiko ateak 16,30ean zabalduko dira.
Igelaren Bandak egin du Txapelketa Nagusiaren sintonia
2013/09/27Bertsolari Txapelketa Nagusia hastearekin batera, doinu berria ezagutuko dute bertsozaleek. Txapelketaren berri emateko eta saioak girotzeko asmoz sintonia egin du Igelaren Banda taldeak. Jazz kutsuko herri-musika eta doinu garaikideak uztartzen dituen sintonia bizia da.
Parte-hartzaileak elkartu dira Txapelketaren aurkezpen festan
2013/09/27Eguraldia lagun zutela, Bertsolari Txapelketa Nagusiaren aurkezpen festa egin zen ostegun iluntzean Bertsozale Elkarteak Amasa-Villabonan duen egoitzan. Txapelketako parte-hartzaileak, babesleak, bertsozaleak eta erakundeetako, euskalgintzako zein kulturgintzako ordezkariak hurbildu ziren ekitaldira. Igandean hasiko den Txapelketa Nagusiaren xehetasunak ezagutzeaz gain, musika eta bertsoekin gozatu zuten bertaratuek.
Hitz egin dezagun aniztasunaren trataeraz: hari muturrak
2013/09/26Arkaitz Goikoetxea. Itzultzailea
Txapelketaren jarraipen berezia Hitzetik Hortzeran eta Bertsoa.com-en
2013/09/26Hitzetik Hortzeraren denboraldi berria irailaren 30ean hasiko da eta Txapelketa Nagusiak irauten duen bitartean, saio monografikoak eskainiko ditu igandero eta astelehenero. Bertsoa.com webguneak ere arreta berezia eskainiko dio Bertsolari Txapelketa Nagusiari eta bideo, eduki zein kolaboratzaile ugari izango ditu.
Amasa-Vilabonako saioak emango dio hasiera igandean Txapelketa Nagusiari
2013/09/24Lau urteren buruan, Amasa-Villabonan abiatuko da Bertsolari Txapelketa Nagusiko edizio berria. Igandean 17,30ean hasiko da lehen kanporaketa, herriko Behar-Zana pilotalekuan. Dagoeneko sarrerak salgai daude www.bertsosarrerak.eu atarian.
Txapelketa Nagusian bazkidetzearen abantailak
2013/09/23Bazkideak dira Bertsozale Elkartearen oinarria. Haien laguntzari esker proiektu txikiak zein handiak ateratzen ditu aurrera Bertsozale Elkarteak, horien artean Bertsolari Txapelketa Nagusia bera. Garai zail hauetan inoiz baino inportanteagoa da oinarri hori mantentzea eta indartzea. Txapelketak irauten duen bitartean bazkidetzeak hainbat abantaila ditu.
Villabonan eta Markinan, sarrerak salgai
2013/09/19Txapelketa osoan www.bertsosarrerak.eu ataria da sarrerak erosteko modua. Horrekin batera, saioak izango herrietan ere salmenta gune bana izango da. Hala nahiago badute inguruko bertsozaleek sarrerak horietan erosteko aukera izango dute.
Bertsolaritzaren Datu-Basearen lehiaketa martxan
2013/09/17Bertsolari Txapelketa Nagusiaren harira, bertsolaritzaren inguruan dakizuna egiaztatzeko lehiaketa bat proposatu nahi dizugu. Erraz-erraza da: Bertsolaritzaren Datu-Basean ageri diren hamar galderei ongi eta zuzen erantzutea da kontua.
Euskaltegiko ikasleak ere Txapelketako saioetara
2013/09/17Txapelketa honetan ekimen berria abiatu dugu euskalduntze mugimenduko hainbat erakunde eta euskaltegik eta Bertsozale Elkarteak elkarlanean. Euskaltegietako ikasleak Txapelketako saioak ikustera animatzea du helburu.
Bigarren saioarekin batera egingo da Euskal Herriko Bertso Eskolen Topaketa
2013/09/17Urriaren 5ean jokatuko da Txapelketako bigarren kanporaketa, Markina-Xemeinen. Baina ez da saio horretara mugatzen Bizkaiko herriak egun horretarako eskaintzeko duena, izan ere BEEEE... Egunaren hirugarren edizioarekin batera dator Bertsolari Txapelketa Nagusia.
Abian da Bertsolari Txapelketa Nagusia
2013/09/17Gaur egin da aurkezpen prentsaurrekoa Bilbon, Euskaltzaindiaren egoitzan. Bertan izan dira Iñaki Murua, Joana Itzaina, Ekaitz Elorriaga, Alaitz Rekondo, Saroi Jauregi eta Asier Ibaibarriaga lehendakariak eta Jokin Castaños Bertsolari Txapelketa Nagusiaren arduraduna.
