Albisteak
Sustraik Colinak Murgian irabazita, osatu da finalaurrekoen bigarren itzulia
2013/11/17Sustrai Colinak irabazi du Txapelketa Nagusiko laugarren finalaurrekoa. Haren atzetik Beñat Gaztelumendi, Aitor Mendiluze, Unai Agirre, Fredi Paia eta Xabier Silveira sailkatu dira. Finalaurrekoen lehen itzuli azken saioa zen Murgiakoa, eta erabakita utzi du du bigarren pasa diren 18 bertsolariak.
Aitor Sarriegi nagusitu da Oiartzungo hirugarren finalaurrekoan
2013/11/16Aitor Sarriegik irabazi du Oiartzunen jokatu den finalaurrekoa. Donostian kantatuko du bigarren itzulian. Haren atzetik Alaia Martin, Agin Laburu, Jon Maia, Odei Barroso eta Beñat Lizaso sailkatu dira. Murgian jokatuko da bihar lehen itzuliko azken finalaurrekoa.
Oiartzun eta Murgiako saioak, zuzenean Hitzetik Hortzeran eta Bertsoa.com-en
2013/11/15Oiartzun eta Murgiako finalaurrekoak telebistaz zein internetez segitzeko aukera izango da. Hitzetik Hortzeraren saio berezietan finalaurreko guztiak zuzenean emango dituzte ETB1en. Zuzeneko emanaldiak EAEn ETB Sat-en eta Nafarroan eta Ipar Euskal Herrian ETB1en ikusiko dira. Bertsoa.com, berriz, saio guztiak eskaintzen ari da interneten bidez.
Murgian amaituko da igandean finalaurrekoen lehen itzulia
2013/11/15Igandean amaituko da finalaurrekoen lehen itzulia. Ohi bezala, sei bertsolari igoko dira oholtzara eta saioa amaituta, bigarren itzulira nor pasako den jakingo da. Sarrerarik ez da gelditzen Murgiako saiorako, igandean ez da takila zabalduko.
Oiartzunek hartuko du larunbatean hirugarren finalaurrekoa
2013/11/15Aurreko asteburuko bi finalurrekoen ostean, Oiartzungo Elorsoro kiroldegiak hartuko du larunbatean Txapelketa Nagusiko hirugarren finalaurrekoa. Autobabes plana errebisatuta izan ondoren, saiorako azken sarrerak salgai daude www.bertsosarrerak.eu webgunean.
Oiartzungo finalaurrekorako azken sarrerak, salgai
2013/11/14Autobabes plana errebisatzeko sarrera salmenta eten ondoren, Oiartzungo larunbateko finalaurrekorako azken sarrerak jarri dira salgai. Azkenean, eserita ikusi ahal izango dute saioa sarreradun guztiek, baita zutikako sarrera erosia dutenek ere. Azken sarrerak salgai daude www.bertsosarrerak.eu webgunean.
Murgiako finalaurrekorako sarrerak amaitu dira
2013/11/13Txapelketa Nagusiko laugarren finalaurrekoa jokatuko da igandean Murgian eta dagoeneko sarrera guztiak saldu dira. Hortaz, igandean ez da lehiatila zabalduko. Gainerako finalaurrekoetarako sarrerak salgai daude www.bertsosarrerak.eu atarian.
Finalerako sarrera guztiak bukatu dira
2013/11/13Abenduaren 15ean BECen jokatuko den Bertsolari Txapelketa Nagusiko finalerako sarrera guzti-guztiak saldu dira. Azken sarrerak bart saldu ziren eta ez da sarrera gehiagorik salgai jarriko.
Igor Elortzarentzat izan da Tolosako bigarren finalaurrekoa
2013/11/10Igor Elortza nagusitu da Tolosan jokatu den finalaurrekoan. Donostian kantatuko du bigarren itzulian. Haren atzetik "Mantxi", Unai Iturriaga, Etxahun Lekue, Jexux Mari Irazu eta Amaia Agirre sailkatu dira. 1.732 bertsozalek lepo bete dute Usabal kiroldegia.
Amets Arzallusek irabazi du lehenengo finalaurrekoa eta bigarren itzulirako sailkatu da
2013/11/09Amets Arzallusek irabazi du Txapelketa Nagusiko lehen finalaurrekoa. Haren atzetik Jokin Uranga, Jone Uria, Jon Martin, Julio Soto eta Nerea Elustondo sailkatu dira. 1.500 bertsozalek saioa bertatik bertara. Bihar bigarren finalaurrekoa jokatuko da, Tolosan.
Ez da sarrerarik Gernika-Lumoko finalaurrekorako
2013/11/09Txapelketa Nagusiko lehenengo finalaurrekoa jokatuko da larunbatean Gernika-Lumon eta dagoeneko sarrera guztiak saldu dira. Hortaz, ez da lehiatila zabalduko. Igandean Tolosan jokatuko den bigarren finalaurrekorako ere sarrera guztiak amaitu dira. Gainerako finalaurrekoetarako sarrerak salgai daude www.bertsosarrerak.eu atarian.
Txapelketa Nagusiko finalaurreko guztiak zuzenean, Hitzetik Hortzera saio berezietan
2013/11/08Aurtengo Bertsolari Txapelketa Nagusiko jarraipen zabala egiten ari da Hitzetik Hortzera. Bigarren fasean, finalaurreko guztiak zuzenean emango dituzte, saio berezien bitartez. Zuzeneko emanaldiak EAEn ETB Sat-en eta Nafarroan eta Ipar Euskal Herrian ETB1en ikusiko dira.
Tolosan jokatuko da igandean bigarren finalaurrekoa
2013/11/07Gernika- Lumoko larunbateko saioaren ostean, Tolosako Usabal kiroldegiak hartuko du igandean Txapelketa Nagusiko bigarren finalaurrekoa. 1.732 lagunentzako aforoa du aretoak eta guztiz beteko da, dagoeneko sarrera guztiak saldu baitira. Hortaz, igandean ez da lehiatila zabalduko.
Tolosako finalaurrekorako sarrerak amaitu dira
2013/11/06Txapelketa Nagusiko bigarren finalaurrekoa jokatuko da igandean Tolosan eta dagoeneko sarrera guztiak saldu dira, 1.700 bertsozalek ikusiko du saioa bertatik bertara. Hortaz, igandean ez da lehiatila zabalduko. Gainerako finalaurrekoetarako sarrerak salgai daude www.bertsosarrerak.eu atarian.
Gernika-Lumoko finalaurrekoak abiaraziko du larunbatean bigarren fasea
2013/11/05Astebeteko atsedenalditxoa hartu ondoren, asteburuan hasiko dira Bertsolari Txapelketa Nagusiko finalaurrekoak. Gernika-Lumoko Jai-Alai pilotalekuan dute bertsozaleek bigarren faseko lehen hitzordua. Saiorako sarrerak salgai daude www.bertsosarrerak.eu webgunean.
Bertsolaritzaren Datu-Basearen lehiaketaren erantzunak eta sarituak
2013/11/04Txapelketa Nagusia aurkeztearekin batera, Bertsolaritzaren Datu-Basearen (BDB) lehiaketa jarri genuen martxan. Azken hilabete luzean bertsozale mordoxka BDB-n arakatzen ibili dira erantzunen bila eta asko izan dira lehiaketarako jaso ditugun erantzunak. Orain erantzun zuzenen eta sarituen txanda ailegatu da.
Miranda de Ebrotik Maulera, euskaltegietako 1.200 ikaslek bertsolaritza ezagutuko dute Txapelketaren bidez
2013/10/31Txapelketa Nagusiaren harira, ekimen berria abiatu dute elkarlanean euskalduntze mugimenduko hainbat erakunde eta euskaltegik eta Bertsozale Elkarteak. Euskaltegietako ikasleei Txapelketa Nagusiko saioak jarraitzeko heldulekuak eta bertsolaritza hurbiltzea du helburu ekimenak. 30 euskaltegik hartuko dute parte eta 43 saio didaktiko eskainiko dira.
Finalaurrekoak hartuko dituzten herrietan ere, sarrerak salgai
2013/10/30Finalaurrekoak azaroaren 9an abiatuko dira Gernika-Lumon. Aspaldian jarri ziren sarrerak salgai eta orain arte bezala www.bertsosarrerak.eu ataria da horiek eskuratzeko modua. Horrez gain, finalaurrekoetako saioak hartuko dituzten herrietan ere sarrerak salgai daude.
Bertsolaritzaren Datu-Basearen lehiaketan parte hartzeko azken egunak
2013/10/28Txapelketa Nagusia hastearekin batera, Bertsolaritzaren Datu-Basearen lehiaketa jarri genuen martxan. Dagoeneko asko zarete zuen erantzunak bidali dituzuenak. Urriaren 29an amaituko da bertan parte-hartzeko epea, hortaz azken egun hauek aprobetxatu. Ongi erantzuten dutenek finalurrekoetarako zein finalerako sarrerak eskuratzeko aukera izango dute.
Finalaurrekoen osaketa erabaki du Oiongo azken kanporaketak
2013/10/26Oiongo kanporaketaren ostean, finalaurrekoetako saioetan nortzuk arituko diren erabakita gelditu da. Osotara, 24 bertsolarik kantatuko dute bigarren fasean. Bi itzulitara jokatuko dira finalaurrekoak, azaroaren 9an hasiko dira Gernika-Lumon eta azaroaren 30ean amaituko Maule-Lextarren.
Etxahun Lekuerentzat izan da Oiongo azken kanporaketa eta Tolosako finalaurrekorako txartela lortu du
2013/10/26Etxahun Lekue nagusitu da Oionen jokatu den Bertsolari Txapelketa Nagusiko azken kanporaketan. Haren atzetik Miren Amuriza, Iratxe Ibarra, Eneritz Zabaleta, Maddi Sarasua eta Manex Agirre sailkatu dira.
Oionen jokatuko da larunbatean lehen faseko azken saioa
2013/10/23Oionen amaituko da larunbatean Bertsolari Txapelketa Nagusiko kanporaketetako azken saioa. Horren ostean jakingo da zeintzuk diren finalaurrekoetarako sailkatuko diren bertsolariak. Kanporaketa 17:30ean hasiko da Arroyo I pilotalekuan eta sarrerak www.bertsosarrerak.eu atarian salgai daude. Horrez gain, goizez upategiak bisitatzeko aukera izango dute bertsozaleek.
“Inoiz espero izango ez genukeen gauza da Txapelketa Nagusiko saio bat Oionen izatea”
2013/10/21Oionek hartuko du larunbatean Txapelketa Nagusiko kanporaketetako azken saioa. Txandrio bertso eskola ari da Arabar Errioxako herrian bertsolaritza sustatzeko lanean. Arantxa Sobrino bertso eskolako kidea da eta haren esanetan pixkanaka bertsozaletasuna Oionen ere hedatzen ari da.
Igor Elortzak irabazi du azkenaurreko kanporaketa eta finalaurrekoetarako txartela lortu du
2013/10/19Igor Elortza nagusitu da Legazpin jokatu den Bertsolari Txapelketa Nagusiko bosgarren kanporaketan. Haren atzetik, Beñat Lizaso, Jokin Uranga, Iñigo Mantzizidor "Mantxi", Ainhoa Agirreazaldegi eta Oihana Bartra sailkatu dira. Lehen faseko azken saioa Oionen jokatuko da hilaren 26an eta han erabakiko da finalaurrekoetan nork kantatuko duen.
Oiongo kanporaketan, ardoa dastatu eta bertsoekin gozatu
2013/10/18Ardoa da Arabar Errioxak duen altxorrik preziatueneteakoa. Horregatik, urriaren 26an Oionen egingo den Txapelketa Nagusiko azken kanporaketan bertsozaleek aukera ederra izango dute bertako ardoa dastatu eta haren inguruko sekretuak ezagutzeko. Saioaren egun berean, goizez, upategi bat doan bisitatzeko aukera izango dute saiora joaten direnek.
Legazpik hartuko du Txapelketa Nagusiko bosgarren kanporaketa
2013/10/18Bertsolari Txapelketa Nagusiko bosgarren kanporaketa jokatuko da larunbatean Legazpin. Saioa herriko Urbeltz pilotalekuan izango da, 17:30ean hasita. Sarrera guztiak salduta daude, hortaz ez da lehiatila irekiko.
Legazpiko kanporaketako sarrerak amaitu egin dira
2013/10/15Txapelketa Nagusiko bosgarren kanporaketa jokatuko da larunbatean Legazpin eta dagoeneko sarrera guztiak saldu dira. Hortaz, larunbatean ez da lehiatila zabalduko. Datorren asteko Oiongo azken kanporaketarako zein gainerako saioetarako sarrerak salgai daude www.bertsosarrerak.eu atarian.
