Finalaurrekoak hartuko dituzten herrietan ere, sarrerak salgai
2013/10/30
Finalaurrekoak azaroaren 9an abiatuko dira Gernika-Lumon. Aspaldian jarri ziren sarrerak salgai eta orain arte bezala www.bertsosarrerak.eu ataria da horiek eskuratzeko modua. Horrez gain, finalaurrekoetako saioak hartuko dituzten herrietan ere sarrerak salgai daude.
Txapelketa Nagusiko saio guztietarako bezala, www.bertsosarrerak.eu atarian finalaurrekoetako sarrerak salgai daude. Horrez gain, finalaurrekoak hartuko dituzten herrietan ere bertako saioetarako sarrerak erosteko aukera dago.
Honakoak dira salmenta guneak:
Gernika-Lumo: Auzokoa taberna
Tolosa: Gipuzkoako Bertsozale Elkartearen egoitza
Oiartzun: Amaxkar taberna
Murgia: Ioar taberna
Elizondo: Fantxike arropa eta opari denda
Donostia: Hontza liburudenda
Maule-Lextarre: Xiberoko Botza irratia eta Baionako Elkar Megadenda
Bertsozale Elkarteak gogorarazi nahi du saio guztiek aforoa mugatua dutela.