Finalari begira kontutan hartu beharreko oharrak

Abenduaren 15eko finalera joango diren bertsozaleei hainbat ohar luzatu nahi die Bertsozale Elkarteak:

• Goizeko bederatzietan zabalduko dira aretoko ateak.
• Gogoratu sarrera bakoitzarekin pertsona bakarra sar daitekeela. Eroslea da sarrerari egin zaizkion kopien erantzule. Kode berbera duten bi sarrera agertuz gero lehenengoa bakarrik sartuko da aretora. Bigarrena ez da sartuko.
• Antolakuntzak bideratuko ditu bertsozaleak eserlekura iritsi arte. Bata bestearen ondoan jarri, ez utzi eserlekurik libre.
• Eskaileretan eta pasabideetan ezingo da eseri.
• Eguerdian guztiz hustuko da aretoa. Antolakuntza ez da eserlekuetan utzitako objektuen erantzule egingo.
• Seigarren pabiloian izango duzue bazkaltzeko aukera. Aretotik atera gabe joango zarete bertara: oholtzara begira jarri eta eskuin aldera hartu.
• Areto barruan ezingo da erre, ezta jan edo edan ere.
• Guztiz debekatuta dago BEC barrura gai arriskutsurik sartzea (bonbonak, sukaldetxoak eta abarrekoak).