Bigarren asteburua Gasteizen hasi eta Lautadan amaituko da Gorbeialdetik pasa ostean
Lehen faseko bigarren asteburu honetan 2023ko Arabako Bertso Kuadrillarteko Txapelketa, lau saio jokoan. Hauexek:
- Otsailak 3, ostirala, Gasteizko Gaztetxean , E ligako saioa: Katuko muinoak (Gasteiz) VS Ibarrako periferiak (Aramaio). Afaria izango da eta 20:30ean hasiko da. Idatzizko modalitatean: Gasteizko gaztetxeko lagunak.
- Otsailak 4, larunbata, Aguraingo Astorreka Elkartean, D ligako saioa: Beeeeeeertsolariak (Lautada) VS Bertsolarriak (Mendialdea). Bazkaria izango da eta 14:00etan hasiko da. Idatzizko modalitatean: Lautadako bertso eskola.
- Otsailak 4, larunbata, Aramaioko Plazako Elkartean, A liga saioa: Izena pentsau bida (Aramaio) VS Gorbeialdea (Gorbeialdea). Bazkaria izango da eta 14:00etan hasiko da. Idatzizko modalitatean: Aramaioko abesbatza.
- Otsailak 5, igandea, Narbaizako Elkartean, B liga saioa: Egurrak eta ezpalak (Lautada) VS Gorbeialdea (Gorbeialdea). Bazkaria izango da eta 14:00etan hasiko da. Idatzizko modalitatean: Aguraingo bertso eskola.
2023ko Arabako Bertso Kuadrillarteko Txapelketa urtarrilaren 27an abiatuko da eta martxoaren 25ean bukatuko da, Laudion.
Kuadrillartekoarekin Arabako bertso mugimendua bultzatu, indarberritu eta ikusarazi nahi da. Parte hartzaile guztien txapelketa izango da hau, lehia baino gehiago, gozamena izango du ardatz, guztiaren oinarria auzolana delako.
Arabako Bertsozale Elkartearen funtzioa koordinazio orokorra eta saretze lana izango da. Antolatzaileak txapelketan parte hartuko duten 12 taldeak dira. Bertsogintzako arlo teknikoan Arabako gai jartzaile taldea, epaile taldea eta Elkarteko lan taldearen laguntza izango dute.
Talde bakoitzak gutxienez 10-13 partaide izango ditu: gai jartzailea, epailea, hiru-sei bertsolari, kronikagilea, argazkilaria, musikariak, sukaldariak.
Kuadrillartekoak hiru fase izango ditu:
- Lehen fasea: urtarrilaren 27tik otsailaren 11ra arte eta taldeak 4 ligatan banatu dira. Hiru taldeko lau liga ezberdinetan banatuak. Liga bakoitzetik talde bakarra sailkatuko da hurrengo fasera eta 2 sailkapen orokorraren arabera.
- Finalaurrekoak: otsailaren 26an Agurainen, martxoaren 4an Bastidan eta martxoaren 12an Zuian izango dira. Bakoitzean bi talde ariko dira eta saio bakoitzaren irabazlea sailkatuko da finalera.
- Finala: martxoaren 25ean izango da, Laudion.
Saio guztietan, beste 16 bertso sorta taldeak arituko dira. Bertsoak aurretik prestatuta eta kantatuko dute lehengo fasean eta batzuk martxoaren 25ean Laudion.
