otsailak 15, Ozaeta

BERTSO-AFARIA

Bat-bateko taldeak: Sorginetxe – Agurain eta Aiaraldea

Idatzizko taldeak: The Rotabators eta Aguraingo Gazte Asanblada

Antolatzailea: Sorginetxe - Agurain

Argazkiak

Argazki gehiago ikusteko

Bideoak

Idatzizko Aguraingo Asanbalda
Idatzizko The rotabators taldea
Bat-bateko Sorginetxe eta Aiaraldea taldeko hasierako agurrak

Kronika

Aguraingo Sorginetxe taldeak egindako kronika

Otsailak 15 larunbata, Ozaetan elkartu gara arabako bertso kuadrila arteko saio berri batean. Ozaetako ¨Perretxiko¨ elkartean berrogeibat lagun elkartu gara mahai inguruan bertso afariaz gozatzeko. Derrigorrezko pote batzuen ondoren, sukaldariek prestatutako menua daztatu dugu, jandakoa bukatu bezain laster hasi da errima festa.

Musika giroan Idatzizko atalak eman dio hasiera, Aguraindik etorritako Gazte asanbladako neskak. Txaloak tartekatuz irakasleaz gogoratu dira, nor ote eta Iker Pastor, hilabete honetan Madrildik bueltan epaitua bueltatuko dena,berak gustuko duena egiteagatik, ABESTEA. Nesken ondoren ¨The Rotabators¨ artista kuadrilak hartu du hitza, haiei esker entzuleok barre sorta ugari bota ditugu.

Ondoren Sorginetxeko  partideak (Oier Arbina, Josu Campo, Oihane Perea eta Pablo Jausoro)  eta A i-zapotxin (Izar Mendiguren, Ainhoa Comas eta Julen Eizagirre) hartu dute lekukoa. Bat-bateko saioarekin hasita zortziko handia izan da lehenengo lana Julenek eta Oierrek etxetik alde egiteko gaiaz baliatuz. Nabarmentzekoa Oihanek eta Izarrek egindakoa zortziko txikian musika ikuspegi desberdinekin. Bakarkakoan Josu eta Ainhoak fin jorratu dituzte jarritako gaiak, batetik abortua eta bestetik dispertsioa. Lau oinetako lanak Pablok eta Julenek bete dituzte.  Oihanek , Julenek , Ainhoak eta Izarrek San Valentin eguneko opariak asmatu behar izan ditu. Aipatzekoa Julenek Oihaneri ´San valantains´ botila oparitu diola.

Gai desberdinekin sei puntu erantzunei aurre egin diete bi taldeetako bertsolariek. Azken ariketan Josu, Pablo, Ainhoa eta Julen wassap-aren erabileraren inguruan jardun dira. Bukatzeko modu librean, trikiaren laguntzaz giroak gora egin du, entzuleen parte hartzearekin batera bertsolariek gozatzeko aukera izan dute. Amaiera borobiltzeko agurrari eman zaio paso.

Bertso idatziak