otsailak 1, Legutio
BERTSO-BAZKARIA
Bat-bateko taldeak: Bostibaieta – Legutio eta Bapateroak – Gasteiz
Idatzizko taldeak: Legutioko Bertso-eskola eta Murgiako Bertso-eskola
Antolatzailea: Bostibaieta – Legutio
Argazkiak
Bideoak
 |
|---|
Kronika
Bost Ibaieta bertsotan taldeak egindako kronika.
Larunbatean Otsailak 1-ean hasi zen arabako kuadrilartekoa.
Legution izan zen lehenengo saioa, bertan bapateroak (gasteiz) eta bostibaieta (legutio etxeko taldea) aritu ziren bapateko saioan.
Beste bertso talde batzuk ere hurbildu ziren abestera idatzizko talde moduan, murgiako bertso eskola eta legutioko bertso eskola.
Lehenengo idatzizko taldeak aritu ziren murgiakoak lehenak hainbat gai aipatuz (feminismoa fracking-a...) eta ondoren legutioko eskola sanblas egunari buruz hitz egiten
Bapatekoen ordua formato hauek landu zituzten bertsolariak: 4 oinak emanda, 8ko txikian ofisioa, 8ko txikian ofisioa, koplaka trikiarekin, eta puntuka libre. Saio dotorea egin zuten bi taldeek eta ikusleek gustora ikusi eta entzun zuten aurtengo “ez-txapelketa”. Ez zen urduritasuna somatu eta horrek saio dibertigarriagoa sortu zuen.
Bertso idatziak
Murgiako Bertso-eskola
KOLOREEN BERTSO SORTA´14
Doinu: Maisu Ruanda zer da?
Eguerdi_on Legutio
zelan bazkaria
dena ona zegoen
hori da egia
zuek animatzeko
hona oparia
kromatografia da
gure gaurko gaia
kolore bakoitzak du
mila esanahia
Piztitzar maitekorra
Fiona emaztea
“Green” kapitalekoa
bera alkatea
Shrek edo Maroto
bat edo bestea
guk hori ez dugu nahi
hurrengoa_ordea
Euskal Herri berdea
aske ta librea
Zeru urdina dugu
zorion lagina
nahiz eta_ez duen osatzen
gure ikurriña
erreka ur gardena
lamia_erregina
urdina dugu ere
gure Pitufina
tantaz tanta sortzen da
olatu urdina
Gure paisaiarekin
gu gaude gustura
zundaketak suntsituz
zelako ganora
barrutik gasa_atera
eta gu zulora
ura kutsatuko da
hemendik Bilbora
ez hemen eta_ez inon
frakinga kanpora
Bertsoa kantatzean
jendean aurrean
lotsatuta irten da
gorri bat-batean
eredurik onena
Uxuen ilean
sudur gorria jarri
denon bihotzean
irribarrea piztu
guztion artean
Elurra mara mara
teilatu gainera
uso zuria hegaka
batetik bestera
eta otso maltzurra
atera bidera
zuria zuritzeko
hau da irteera
lexia bota_ezkero
dena zuritzen da
Hasiera batean
da maitasun dantza
geroago batzutan
bihurtzen da latza
begi ubel moreak
hori ez da txantxa
esperantza ez galdu
ta hasi iraultza
indarra nortasuna
emakume altxa
Zuen aurpegi hoiek
al ditugu poztu?
eta gure bertsoek
zaituztete_izoztu
gai pilo bat jorratu
ta elkarri lotu
zuen txanda da orain
ez zaitezte moztu
denon irribarrea
kolorez margoztu
Albisteak
Arabako Bertso-Kuadrilla artekoaren lehenengo bi saioak lagun-arteko giro onean
Legution eta Gasteizko Errexala elkartean egin dira lehenengo bi saioak. Legutioko taldeak eta Errexala taldeak antolatuta, idatzizko 5 talde eta bat-bateko 4 talde kantuan.
Legution eta Gasteizen larunbat honetan Arabako Kuadrilla artekoAren lehenengo saioak
Larunbat honetan hasiko da Arabako Bertso-kuadrilla artekoA
Fitxa
- Eguna
- 2014/02/01
- Ordua
- 14:00
- Herria
- Legutio
- Tokia
- Albertia elkartea