Legutio, otsailak 8

Xabi eta Iñaki, lagunak zarete. Orain aireportuan zaudete hegazkinaren zain; biak Perura joateko; Zu Xabi aspaldian ikusi ez duzun familia bisitatzera, zu Iñaki Machupichura oporretan.

Paula eta Peru neba-arreba adoptatuak zarete, zu Paula triste jartzen zara atzera begiratzen duzunean. Zuk Peru berriz, zorionekoak izan zaretela uste duzu.

Asier eta Iker. Zuek elkarrekin ikasi zenuten institutuan. Zuk Asier ikasketak egin eta zure promozioko lehena izan zinen. Gaur lanik gabe zaude. Iker, berriz, batxilergoa bukatu ez zuena, aberatsa da.

Iñaki eta Paula, kamioilariak zarete. Elurra dela eta 4 ordu daramazue errepidean geldirik. Inguruan ez dago ez kafetegi, ez etxe...

Iker eta Xabi, bikotea zarete. Parkera atera zarete txakurra paseatzera, eta, txakurrak kaka egin du. Nork jasoko du hori?

Peru eta Asier, oporretara joateko dena prest duzue, baina orain kotxeko maleteroan ez dago tokirik gauza guztiak sartzeko. Bertan geratuko diren gauzak baztertzen hasi zarete.

Zuk Xabi, herriko etxerik zaharrena erosi duzu. Gaur lehengo aldiz gaua pasatzen ari zara bertan, eta bat-batean zaratak entzun dituzu. Aterantz begiratu eta hor dago Paula, etxeko mamua, zuri begira.

Legutioko arrantzaleak zarete eta astebururo joaten zarete urtegira arrantza egitera. Iñaki, zuk beti eramaten duzu saskia beteta etxera. Asier, zuk berriz, kostata harrapatzen dituzu 2 edo 3 arrain. Gaur zuk Iñaki, Asier harrapatu duzu zu zelatatzen.

Gaur gauean, parranda ondoren, hotel batean bukatu duzue, larrutan egiteko gogoz. Zuk Peru berehala hasteko irrikan, arropa arrapaladan erantzi eta lurrera bota egin duzu. Buelta eman duzunean Iker ikusi duzu bere arropak txukun-txukun tolesten eta aulkian kontuz jartzen bata bestearen gainean.

SANTA AGUEDA EGUNA PASA BERRI DUGU, INOIZ ATERA ZARA BEZPERAN ESKEAN,

NEGUA EUSKAL HERRIAN GOGOR TA LUZEA, MAITASUNEZ BEROTZEN OMEN DA BIHOTZA,

KARTZELAKO BISITAK ASTEBURUERO, FURGONETA BARRUAN ZENBAT ISTORIO ,

MOZORROA JADANIK PRESTATU AL DUZU? GORDETZEN DUGUN HORI KALEAN AGERI,

ZUK PLANAK AL DITUZU EPE LUZERAKO? DENBORA AZKARREGI PASATZEN AL ZAIZU?

ZERI ZENION BELDUR ZURE HAURTZAROAN? ZURE GAURKO MAMUAK NOLAKOAK DIRA?

Behin eta berriro irudi berbera etortzen zaizu burura.

Zure lotsa horri aurre egitea erabaki duzu.

Prestatzen denbora luze eman eta di-da batean bukatu egin da.

Bi aukera dituzu, eta aukeratu ezinik zaude.

Ez duzu ezer gogoratzen gertaera horretaz.

Bere telefono zenbakia ezabatu egin duzu.